موقف محرج جداً

موضوع: موقف محرج جداً السبت 18 أكتوبر 2008, 3:00 pm

الف سلام على كل اعضاء المنتدى الجمال دى تقدروا تقوله عليها لعبة او دردشة كده مع بعضينا الموضوع كده من العنوان بتاعه واضح وهو موقف محرج .كل واحد فينا هيدخل يحكى موقف محرج مر بيه واحمر وجهه خجلا فى هذا الموقف واللى يدخل بعديه لو عايز يعلق على موقف اللى قبله يعلق ولو مش عايز يكتب بدون تعليق ويحكى الموقف المحرج بتاعه اللى هو تعرض له.

مرة كانت اول محاضرة للدكتور رئيس القسم بتاعى وانا جاى متأخر شويه وما كنتش اعرف انه ما بيدخلش حد وراه فخبط على الباب وفتحته ورحت دخلت على طول وقعدت فى مكانى وانا داخل كنت سامع الدكتور بيكلم فى المايك بس ما كنتش مميز وهو بيقول ايه ولما قعدت فى مكانى لقيت الدكتور وكل الدفعة بيبصوا عليا زى ما اكون ارتكبت جريمة رحت واقف وسادت لحظة من السكون وبعد كده الدكتور ضحك وقولى قعد انا صلى بحب الفتوات عارفين الدكتور كان بيقول ايه فى المايك كان عمال يقول ما تدخلش"بس انا كانت دامغى واشة من دوشة المواصلات افتكره بيكلم زملاتى فى حاجة تانية وان كنت داخل ما كنتش بصصاله اصلا"

هههههههههههههههههههه
حلو الموقف ده بس ابقي صحصح

انا بقى بيحصل شوية مواقف جامدة قوى وهاقولها هنا كلها باذن الله
اول موقف لسا حاصلى من 5 دقايق كدا والله
واحد صاحبى فتح الايميل ايميله شبه ايميل واحد صاحبى تانى المهم انا افتكرته صاحبى التانى
ازيك ومش عارف ايه وبعدين فتحنا موضوع ومشكلة عاطفية عنده وكدا ويقولى يا بنى مش قلتلك عليها قبل كدا اقوله لا والله انا اول مرة اعرف انك مرتبط اصلا ويحكى وانا معاه وقعدنا نتكلم حوالى ساعة وربع فى المشكلة دى وفى الاخر ببص على الايميل بظروفها لقيته واحد تانى بس بعد ايه بقى ما بوظت الدنيا
بس انا ايه بقى كنت هموت على نفسى من الضحك

موقف تانى حصلى تانى مرة اروح الكلية بقى وطبعا مش عارف حاجة المهم كان فى مشكلة كدا حصلت مع بتاع المكتبة برة وكنت داخل للدكتور عادى المسدى طبعا كله عارفه بتاع ادارة الاعمال
داخل بدور وقاعد اسال عن الدكتور لحد ما لقيت واحد محترم كدا ماشى قلت اروح اساله
فا بقوله هو فين الدكتور عادى المسدى لقيته بيضحك اساله تانى يضحك تانى
اقوله هو حضرتك دكتور عادل يضحك برضوا ويقولى تعالى بس
وانا ماشى بقى وكله قاعد يدى تعظيم سلام له ويوسعوا الطريق وانا مش فاهم حاجة
المهم دخلنا المبنى بتاع الادراة واحد بيوسع الطريق قدامه ومحدش ماشى على السجادة غيره بقى وانا جنبيه والدكاترة اللى بيدونا حتة مش واقفين عليها وانا مش فاهم وبيبصولى كدا بطريقة غربية اكنهم بيوقولوا مين الواد دا وكله بيبص
وانا طبعا ماشى مش فاهم
وجه وقت الاصانصير وكل اللى كان مستنى سابه وركب اللى كنت ماشى معاه واللى كان جواه طلع انا دخلت
انا معرفتش هما بيطلعوا ليه او فى ايه بس دخلت معاه وخلاص لقيته بقولى طلع الدور التانى قول لواحد عن المشكلة وهو هيحلها اقوله طيب حاضرتك مين عشان اقوله انا جاى من طرفك يقولى روحله بس
لحد ما قالى تعالى تعالى
وطلعت معاه لقيته داخل اوضة كدة ببص على الباب لقيت مكتوبة العميد انا وقفت متحركتش مكانتش عارف اعمل ايه
ادخل ولا امشى
من تانى يوم كدا اوصل للعميد
المهم قالى انت واقف ليه تعالى
انا مكانتش عارف حتة ارد دانا كنتهقلع الجزمة على باب البتاع المهم دخلت نادى الراجل وخلصلى المشكلة وطلع شخصية كويسة قوى
محترم بجد

ايه مان المواقف الجامدة اللى بتحصلك بجد موقفين لا تحسد عليهم وخاصة الموقف الاول

ربنا معاااااك يا حماده العميد مره واحده الله يرحمك ....
ولا اطمن على كلامك انت بتقول راجل تماموز خالص ومحترم ....

انا مثلا هحكيلكم موقف بيحصل معايا كتير
ببقي ماشي انا وصحابي وبنتكلم وساعات اقعد اتكلم مع حد فيهم واجى ابص جنبي الاقي حد تانى خالص مش عارف ازاى ممكن يكون حد انا اعرفه وممكن يكون حد تانى خالص مش اعرفه اصلا ...
ببقي ساعتها محروج جدااا جداا

هقولك على الموقف الوحيد اللى اتاكدت فيه ان الجرى كل المجدعة مش نصها
انا مش طبعى انى اجرى او اخلع من اى موقع كنت فيه بس دا بالذات كان لازم الجرى
كنت وانا فى الثانوى كل يوم جمعة كدا بروح مكان معين يعنى انا وواحد صاحبى كترفيه يعنى بنقابل فيه ناس
المهم كل مرة بنروح بتاكسى عشان بعيد وواحنا مروحين بنكون قريبين من شارع البحر وبنروح فى ميكروباص
بندفع واحنا رايحين حوالى تلاتة جنيه عشان المشوار بعيد دا بيكون بالنهار يعنى مفروض بليل يكون اكتر
مرة منهم اقول صاحبى عايز يسهر واقوله يالا عشان نعرف نروح مكانش معانا غير اجرة الميكروباص اقوله يالا با بنى يقولى انا معايا فلوس يا بنى مش معاك يقولى معايا
المهم سهرنا لحد الساعة اتنين كدا هناك وجينا نروح بقى هو وقف تاكسى ومشينا
وهو مفروض بينزل فى المحطة اللى قابلى يعنى انا اللى بدى الفلوس للسواق
المهم جيب يابنى الفلوس يقولى طيب يابنى جيب طيب طيب لحد ما وصلنا فى المحطة بتاعته لقيته ادانى خمسة وسبعين قرش بس مع ان اقل واجب خمسة جنيه المهم ادهوملى وجرى انا بقى مش عايز الراجل يوصل لانى مش عارف اعمل ايه المهم وصلت اديله الفلوس وهو يقولى ايه دا اقوله والله صاحبى اللى كان معاه الفلوس وضحك عليا يقولى وانا مالى المهم نزلت وجريت وهو يشتم وفضحنى و فضل يجرى ورايا ودى كانت المرة الوحيدة اللى جريت فيها فى حياتى ومتقررتش تانى واسف للتطويل

الموقف ده حلو جدً يا ادمن وتسلم يا غالى على مرورك

انا حصلي موقف محرج اوي انا كنت بكلم واحدة صحبتي وبكلمها اللي حصل اية في الكلية مابيني وبين حبيبتي وقاعدة تسمعني
وتقولي وبعدين وانا اكمل واتكلم وفي الاخر قالتلي انت صاحب بنتي طلعت ام صحبتي وقاعدة تكلمني وتقولي انتم لسة ضغيرين وعيب كدة وانا مش عارف اتكلم خالص وقاعد اضحك ومش عارف اقول اية غير حاضر يا طنط واما شوفت صحبتي قولت لصحبتي ينفع اللي مامتك عملتة دة
شكرررررررا علي سمعاكم لموقفي المحرج شكرررررررررررا يا مروان ومستنين المزيد

ههههههههههههههههههههههههههه

100 100 يا روميو

اوت المره دى هههههههههه

لا جامد جامد قوى يا معلم تعيش وتاخد غيرها

شكرا لمروركم يا احلى شباب