| لو ابوها رفع السماعه هتعمل ايه؟؟؟؟؟؟؟؟ | |
|
|
كاتب الموضوع | رسالة |
---|
Romio مشرف
عدد الرسائل : 1051 العمر : 33 الموقع : tegara.alafdal.net كلية ايه يا باشا : التجارة تاريخ التسجيل : 09/11/2008
| موضوع: لو ابوها رفع السماعه هتعمل ايه؟؟؟؟؟؟؟؟ الثلاثاء 10 فبراير 2009, 4:34 am | |
| لو أبوها رفع السماعة هتعمل ايه؟
تخيل سعادتك كده مأنتخ علي السرير الساعة اتنين بالليل ومضلم الأوضة ومسلك سلك التليفون من الصالة,وواخد غطس تحت اللحاف وفي وسط الأشواق الملهلبة...
بتحبني ياتوفيق؟
طبعا ياجمالات دانتي الهوا اللي بتنفسه والميه اللي بشربها.... ناقص تقولها السجارة اللي بتكيفني
يعني مش هتتخلي عني أبدا
عمري ياحبي وحتي تنطفيء النجوم
وحتي يقع القمر
وحتي يفوز الذمالك علي الأهلي
عيب تقولي كده ياجمالات
سمعتي أغنية بحبك بتاعة رامي صبري؟.
اه مالها ياحبيبي....
.كل كلمة فيها بتفكرني بيكي يانور عيني
بحبك نفسي أقولهالك: وانا ايدي في ايد....
وفجأه. نعم يا.........؟
.وهنا هنقول ستوب ونوقف المشهد ونبدأ نسأل السؤال هتعمل ايه ساعتها؟أو نتخيل سيناريوهات مختلفة للي هيحصل بعدها ممكن مثلا تقفل السكة وطبعا لمدة اتناشر سنه قدام هتلاقي البت تليفونها مقفول ومبتجيش جامعة.......والسيناريو ده يجرنا لتساؤل تاني
في الحاله دي تعمل واد محترم بقي وتروح تتقدملها وغرضي شريف واسف ياعمي وجاي من الباب والكلام ده
ولا تبقي واد روش موديل 2007 خارج من الاجنص حالا وتخلي واحدة صاحبتها تكلمها؟
ولا تطلع ندل وتنفضلها واهو البنات اكتر من الهم علي القلب وتيجي واحدة مكانها؟
ده سيناريو مكتمل محتمل للي ممكن يحصل فيه سيناريو تاني
.نعم يا.........؟......ده أبوها
ساعتها انت موش هتقفل السكة
ثواني ياعمي أنا والله بحب جمالات بس مستني وقت أرتبط بيها
وهنا هيختلف رد فعل الأب حسب شخصيته يعني ممكن يكون راجل جنتل ويقولك
حب ايه ياحيلة الست الحاجة روح ياض العب بعيد
وممكن يكون راجل عقلاني....
هو يابني اللي يحب حد يكلمه الساعة دي
لو اختك ترضي حد يكلمها كده؟
يابني اللي بيحب حد ميخلهوش يعمل حاجه غلط ولو حتي باسم الحب
.وعموما يابني ممكن أعرف انت عايز ايه دلوقت؟
وهنا هتبان نواياك
يااما تاخد منه معاد تقابله وتكلمه وتشرحله ظروفك
يااما تقول ياعمي انا نفسي اكلمها وافضل معاها سنتين تلاتة لحد مااكوم نفسي وطبعا بما أنه راجل محترم فرده هيبقي
.تك....صوت سماعة بتتحط وسكة بتتقفل في وشك فيه سيناريو تالت
أنك تطلع ندل وترد عليه
ماتشتمش يابا الحاج انت متلم بنتك ياأخويا
انا مضربتهاش علي ايدها
وطبعا رد فعل الراجل علي بق زي ده
يااما هيقع علي الكرسي من الصدمة وتسمع صوت (بابا بابا)
أو هيرد علي كلامك
وممكن يبقي فيه سيناريو رابع
أول ماابوها يدخل...هتلاقي جمالاات بتقولك
ثواني ياتيفا...بتدلعك ياعم مين قدك يابختك
فيه حاجة يابابا مخبطتش ليه قبل ماتدخل.
.معلش ياجمالاات اصلي كنت بدور علي حاجة معلش اني مخبطتش
.طيب يابابا عاوز حاجة؟
لا خلاص هدور في أوضة تانية
وفيه سيناريو كمان
.وده بقي محتاج واد ابن جنية
وهو انك اول ماتلاقي صوت أبوها فجأة ترقق صوتك علي قد ماتقدر وتعمل نفسك واحدة صحبتها وعشان السيناريو ده ينجح فانت محتاج أب اهبل عشان يصدقه أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش
وفي الحالة دي يااما الراجل هيديك فاصل شتيمة في أختك وفي نخوتك وأخلاقك (أوعي تصدق نفسك وترد عليه لأنك مفيش أخت ولا حاجة)
أو ممكن يطلع الراجل تربية فكرية ويصدق ويقولك أما توصل يابني ابقوا طمنونا طبعا أنا مقلتش الموضوع من ناحية البنت بمعني لو أبوكي رفع السماعة(موش تعصب ضد حكوك المرأه لا سمح الله)بس لأن السيناريو معروف
.لو أبوها راجل ودمه حامي
فيبقي اللي تقدر تعمله بس انها تكون لها علاقات في المستشفيات خصوصا قسم العظام عشان يتوصوا بيها و بيك انت كمان
لو انتوا (الشباب طبعا) مكان توفيق هتعملوا ايه عايزه الرد بصراااااحه | |
|
| |
ELBASHA نشيط
عدد الرسائل : 105 العمر : 35 تاريخ التسجيل : 06/10/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الثلاثاء 10 فبراير 2009, 6:31 pm | |
| انا هاعمل ايه لو انا بحبها بجد هاملم ابوها وافهمه الوضع بتاعى واللى يحصل يحصل مشكور جدا ياروميووووووووووو على الموضوع الجامد تمنياتى بالتوفيق دائما | |
|
| |
Romio مشرف
عدد الرسائل : 1051 العمر : 33 الموقع : tegara.alafdal.net كلية ايه يا باشا : التجارة تاريخ التسجيل : 09/11/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الأربعاء 11 فبراير 2009, 12:36 am | |
| شكرا علي مرورك يا باشا وانت منورنا ايوه كده اظهر بمواضيعك وردودك ومتغبشي عننا | |
|
| |
AYA غير فعال
عدد الرسائل : 19 العمر : 35 كلية ايه يا باشا : التجاره الفرقة : التالتة تاريخ التسجيل : 24/12/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الأربعاء 11 فبراير 2009, 4:43 pm | |
| هو لو الولد كويس اكيد هييجى من الباب لكن لو بيلعب بديله هيقفل السكه على طول ومعظم الشباب من النوعيه دى اللى بيخلع ويقول في غيرها كتير | |
|
| |
Romio مشرف
عدد الرسائل : 1051 العمر : 33 الموقع : tegara.alafdal.net كلية ايه يا باشا : التجارة تاريخ التسجيل : 09/11/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الخميس 12 فبراير 2009, 2:16 am | |
| ههههههههههههههههه مش كلهم يا اية والله في شباب مخلص كتير وشكرا علي مرورك ومستنين مواضيعك يا اية | |
|
| |
Elprince مشرف
عدد الرسائل : 459 العمر : 34 الموقع : www.tegara.alafdal.net كلية ايه يا باشا : التجاره والاداره والفن والمهاره الفرقة : التالتة تاريخ التسجيل : 19/09/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ السبت 14 فبراير 2009, 8:29 pm | |
| ؟؟؟؟؟؟؟؟؟؟؟؟؟ حاجه صعبه فعلا لكن انا معرفش هعمل ايه لانى عمرى ماعملت كده ولا هعمل ان شاء الله لانى بمجرد ماهلاقى بنت الحلال يبقى خطوبه وشبكه وتكت كتات فى ودخله فى يوم واحد مش نقعد نحب فى بعض واجيب فى دباديب فى دباديب وفى الاخر اروح ابيعهم على الرصيف تسلم ايدك على الموضوع | |
|
| |
Admin Admin
عدد الرسائل : 746 العمر : 34 تاريخ التسجيل : 04/09/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الأحد 15 فبراير 2009, 4:00 am | |
| موقف مؤثر جدااااااااا بس مش هقول هعمل ايه | |
|
| |
Admin Admin
عدد الرسائل : 746 العمر : 34 تاريخ التسجيل : 04/09/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الأحد 15 فبراير 2009, 4:03 am | |
| | |
|
| |
Romio مشرف
عدد الرسائل : 1051 العمر : 33 الموقع : tegara.alafdal.net كلية ايه يا باشا : التجارة تاريخ التسجيل : 09/11/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الأحد 15 فبراير 2009, 6:05 pm | |
| شكرا علي مروركم وانا عاوز اعرف يا ادمن محمد هتعمل ايه انا هستني ردك اوك | |
|
| |
Admin Admin
عدد الرسائل : 746 العمر : 34 تاريخ التسجيل : 04/09/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الأحد 15 فبراير 2009, 9:07 pm | |
| اصل حصلت معايا قبل كدا مرتين وكل مرة كان اجمد من اللى قبليها فا كدا هتبقى فضايح اونلاين | |
|
| |
Romio مشرف
عدد الرسائل : 1051 العمر : 33 الموقع : tegara.alafdal.net كلية ايه يا باشا : التجارة تاريخ التسجيل : 09/11/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الأحد 15 فبراير 2009, 10:22 pm | |
| ههههههههههه ماشي يا ادمن هفوهتهالك المرة دية وتبقي تقولهالي علي الايميل | |
|
| |
helelyano فعال
عدد الرسائل : 44 العمر : 33 كلية ايه يا باشا : تجارة الفرقة : التانية تاريخ التسجيل : 16/02/2009
| موضوع: رد: لو ابوها رفع السماعه هتعمل ايه؟؟؟؟؟؟؟؟ الإثنين 16 فبراير 2009, 3:38 am | |
| الحمد لله محصلتش معايا ولا مرة بس لما تحصل هبقى اقولك انا عملت ايه | |
|
| |
Romio مشرف
عدد الرسائل : 1051 العمر : 33 الموقع : tegara.alafdal.net كلية ايه يا باشا : التجارة تاريخ التسجيل : 09/11/2008
| موضوع: رد: لو ابوها رفع السماعه هتعمل ايه؟؟؟؟؟؟؟؟ الثلاثاء 17 فبراير 2009, 11:18 pm | |
| اوك ياهليل وانشاء الله مش هتحصل معاك وتدخل من الباب علي طول مش من التليفون وشكرا علي مرورك | |
|
| |
| لو ابوها رفع السماعه هتعمل ايه؟؟؟؟؟؟؟؟ | |
|